Hiru bikote, eta mistoak

Bengoetxea-Barriola eta Berasaluze-Zubieta partidako irabazleak Irujo-Albisuren kontra jokatuko du, Donostian

Motza izango da aurtengo Donostiako feria. Motza, baina, era berean, polita. Soilik bi jaialdi izango ditu, eta hiru bikote. Bikote horiek mistoak izango dira. Asegarcekoek Aspeko pilotariak izango dituzte lagun. Beraz, urte guztian ikus ezin daitezkeen gauzak ikusi ahal izango dira. Lehenengo partida Bengoetxea VI.a-Barriolak eta Berasaluze VIII.a-Zubietak jokatuko dute, hilaren 11n. Lehia horretako garailea, berriz, Irujoren eta Albisuren kontra ariko da finalean, hilaren 17an. Nabarmentzekoa da Olaizola II.ak ez duela parte hartuko, baina, dena den, zer ikusirik eta zer gozaturik ez da faltako.