Bolada ona etengo ote?

Xala-Laskurainek eta Olaizola II.a-Beroizek seigarren jardunaldiko lehen partida jokatuko dute gaur, Hendaian

Harmailak leporaino beteta daudela ekingo zaio gaur binakako txapelketako seigarren jardunaldiari, Hendaiako Beltzenia pilotalekuan (Lapurdi). Ez da gutxiagorako, ikusmin handia sortu baitu Xala-Laskurainen eta Olaizola II.a-Beroizen artekoak. Batetik, lapurtarrek euren buruz buruko txapelduna gertutik ikusi ahal izango dutelako; eta, bestetik, oso momentu onean dauden bi bikote lehiatuko direlako. Sailkapenean, lidergoan daude Asegarcekoak, partida alerik galdu gabe, eta bosgarren Aspekoak, hiru porrotekin. Ordea, estatistikek erakusten dutena baino dema estuagoa espero da.